Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 27 | |
27:1 См.: 🔗Пс. 2:2 | [Зач. 110.] Утру же бывшу, совѣтъ сотвориша вси архiерее и старцы людстіи на Иисуса, яко убити Его: |
27:2 | и связавше Его ведоша и предаша Его Понтійскому Пилату игемону. |
27:3 | [Зач. 111.] Тогда видѣвъ Иуда предавый Его, яко осудиша Его, раскаявся возврати тридесять сребреники архiереемъ и старцемъ, |
27:4 | глаголя: согрѣшихъ предавъ кровь неповинную. Они же рѣша: что есть намъ? Ты узриши. |
27:5 См.: 🔗Деян. 1:18 | И повергъ сребреники въ церкви, отъиде: и шедъ удавися. |
27:6 | Архiерее же прiемше сребреники, рѣша: недостойно есть вложити ихъ въ корвану, понеже цѣна крове есть. |
27:7 | Совѣтъ же сотворше, купиша ими село скудельничо, въ погребанiе страннымъ: |
27:8 См.: 🔗Деян. 1:19 | тѣмже наречеся село то село крове, до сего дне: |
27:9 См.: 🔗Иер. 32:9 🔗Зах. 11:12 | тогда сбыстся реченное Иереміемъ пророкомъ, глаголющимъ: и прiяша тридесять сребреникъ, цѣну Цѣненнаго, Егоже цѣниша от сыновъ Израилевъ, |
27:10 | и даша я на село скудельничо, якоже сказа мнѣ Господь. |
27:11 | Иисусъ же ста предъ игемономъ. И вопроси Его игемонъ, глаголя: Ты ли еси Царь Иудейскiй? Иисусъ же рече ему: ты глаголеши. |
27:12 См.: 🔗Мф. 26:63 | И егда Нань глаголаху архiерее и старцы, ничесоже отвѣщаваше. |
27:13 | Тогда глагола Ему Пилатъ: не слышиши ли, колика на Тя свидѣтелствуютъ? |
27:14 | И не отвѣща ему ни къ единому глаголу, яко дивитися игемону зѣло. |
27:15 | На [всякъ] же праздникъ обычай бѣ игемону отпущати единаго народу связня, егоже хотяху: |
27:16 | имяху же тогда связана нарочита, глаголемаго Варавву: |
27:17 См.: 🔗Мф. 21:11 | собравшымся же имъ, рече имъ Пилатъ: кого хощете [от обою] отпущу вамъ: Варавву ли, или Иисуса глаголемаго Христа? |
27:18 | Вѣдяше бо, яко зависти ради предаша Его. |
27:19 | Сѣдящу же ему на судищи, посла къ нему жена его, глаголющи: ничтоже тебѣ и Праведнику Тому: много бо пострадахъ днесь во снѣ Его ради. |
27:20 | Архiерее же и старцы наустиша народы, да испросятъ Варавву, Иисуса же погубятъ. |
27:21 | Отвѣщавъ же игемонъ рече имъ: кого хощете от обою отпущу вамъ? Они же рѣша: Варавву. |
27:22 | Глагола имъ Пилатъ: что убо сотворю Иисусу глаголемому Христу? Глаголаша ему вси: да распятъ будетъ. |
27:23 | Игемонъ же рече: кое убо зло сотвори? Они же излиха вопiяху, глаголюще: да пропятъ будетъ. |
27:24 | Видѣвъ же Пилатъ, яко ничтоже успѣваетъ, но паче молва бываетъ, прiемь воду, умы руцѣ предъ народомъ, глаголя: неповиненъ есмь от крове Праведнаго Сего: вы узрите. |
27:25 | И отвѣщавше вси людiе рѣша: кровь Его на насъ и на чадѣхъ нашихъ. |
27:26 См.: 🔗Мк. 15:15 🔗Ин. 19:1 | Тогда отпусти имъ Варавву: Иисуса же бивъ предаде [имъ], да Его пропнутъ. |
27:27 | [Зач. 112.] Тогда воини игемоновы, прiемше Иисуса на судище, собраша Нань все множество воинъ: |
27:28 | и совлекше Его, одѣяша Его хламидою червленою: |
27:29 | и сплетше вѣнецъ от тернiя, возложиша на главу Его, и трость въ десницу Его: и поклоншеся на колѣну предъ Нимъ ругахуся Ему, глаголюще: радуйся, Царю Иудейскiй. |
27:30 | И плюнувше Нань, прiяша трость и бiяху по главѣ Его. |
27:31 | И егда поругашася Ему, совлекоша съ Него багряницу и облекоша Его въ ризы Его: и ведоша Его на пропятiе. |
27:32 | Исходяще же обрѣтоша человѣка Киринейска, именемъ Симона: и сему задѣша понести крестъ Его. |
27:33 | [Зач. 113.] И пришедше на мѣсто нарицаемое Голгоѳа, еже есть глаголемо Кранiево мѣсто, |
27:34 См.: 🔗Пс. 68:22 | даша ему пити оцетъ съ желчiю смѣшенъ: и вкушь, не хотяше пити. |
27:35 См.: 🔗Пс. 21:19 | Распеншiи же Его раздѣлиша ризы Его, вергше жребiя: |
27:36 | и сѣдяще стрежаху Его ту: |
27:37 | и возложиша верху главы Его вину Его написану: Сей есть Иисусъ, Царь Иудейскiй. |
27:38 См.: 🔗Ис. 53:12 | Тогда распяша съ Нимъ два разбойника: единаго о десную, и единаго о шуюю. |
27:39 См.: 🔗Пс. 21:8 🔗Пс. 108:25 | Мимоходящiи же хуляху Его, покивающе главами своими |
27:40 См.: 🔗Мф. 26:61 🔗Мк. 14:58 | и глаголюще: Разоряяй церковь и треми денми Созидаяй, спасися Самъ: аще Сынъ еси Божiй, сниди со креста. |
27:41 | Такожде же и архiерее ругающеся съ книжники и старцы [и фарисеи], глаголаху: |
27:42 | иныя спасе, Себе ли не можетъ спасти? Аще Царь Израилевъ есть, да снидетъ нынѣ со креста, и вѣруемъ въ Него: |
27:43 См.: 🔗Пс. 21:9 🔗Прем. 2:18 | упова на Бога: да избавитъ нынѣ Его, аще хощетъ Ему. Рече бо, яко Божiй есмь Сынъ. |
27:44 | Тожде же и разбойника распятая съ Нимъ поношаста Ему. |
27:45 См.: 🔗Ам. 8:9 | От шестаго же часа тма бысть по всей земли до часа девятаго: |
27:46 См.: 🔗Пс. 21:2 🔗Мк. 15:34 | о девятѣмъ же часѣ возопи Иисусъ гласомъ велiимъ, глаголя: Или, Или, лима савахѳани? Еже есть, Боже Мой, Боже Мой, вскую Мя еси оставилъ? |
27:47 | Нѣцыи же от ту стоящихъ слышавше глаголаху, яко Илiю глашаетъ Сей. |
27:48 См.: 🔗Пс. 68:22 🔗Ин. 19:29 | И абiе текъ единъ от нихъ, и прiемь губу, исполнивъ же оцта, и вонзе на трость, напаяше Его. |
27:49 | Прочiи же глаголаху: остави, да видимъ, аще прiидетъ Илiа спасти Его. |
27:50 | Иисусъ же, паки возопивъ гласомъ велiимъ, испусти духъ. |
27:51 | И се, завѣса церковная раздрася на двое съ вышняго края до нижняго: и земля потрясеся: и каменiе распадеся: |
27:52 | и гроби отверзошася: и многа тѣлеса усопшихъ святыхъ восташа: |
27:53 | и изшедше изъ гробъ, по воскресенiи Его, внидоша во святый градъ и явишася мнозѣмъ. |
27:54 | Сотникъ же и иже съ нимъ стрегущiи Иисуса, видѣвше трусъ и бывшая, убояшася зѣло, глаголюще: воистинну Божiй Сынъ бѣ Сей. |
27:55 | Бяху же ту и жены многи издалеча зрящя, яже идоша по Иисусѣ от Галилеи, служащя Ему: |
27:56 | въ нихже бѣ Маріа Магдалина, и Маріа Иакова и Иосіи мати, и мати сыну Зеведеову. |
27:57 | Поздѣ же бывшу, прiиде человѣкъ богатъ от Аримаѳеа, именемъ Иосифъ, иже и самъ учися у Иисуса: |
27:58 | сей приступль къ Пилату, проси тѣлесе Иисусова. Тогда Пилатъ повелѣ дати тѣло. |
27:59 | И прiемь тѣло Иосифъ, обвитъ е плащаницею чистою |
27:60 | и положи е въ новѣмъ своемъ гробѣ, егоже изсѣче въ камени: и возваливъ камень велiй надъ двери гроба, отъиде. |
27:61 | Бѣ же ту Маріа Магдалина и другая Маріа, сѣдящѣ прямо гроба. |
27:62 | [Зач. 114.] Во утрiй же день, иже есть по пятцѣ, собрашася архiерее и фарисее къ Пилату, |
27:63 | глаголюще: господи, помянухомъ, яко льстецъ онъ рече, еще сый живъ: по трiехъ днехъ востану: |
27:64 | повели убо утвердити гробъ до третiяго дне, да не како пришедше ученицы Его нощiю украдутъ Его и рекутъ людемъ: воста от мертвыхъ: и будетъ послѣдняя лесть горша первыя. |
27:65 | Рече же имъ Пилатъ: имате кустодію: идите, утвердите, якоже вѣсте. |
27:66 | Они же шедше утвердиша гробъ, знаменавше камень съ кустодіею. |