Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 16 | |
16:1 | Сiя глаголахъ вамъ, да не соблазнитеся. |
16:2 | От сонмищъ ижденутъ вы: [Зач. 53.] но прiидетъ часъ, да всякъ, иже убiетъ вы, возмнится службу приносити Богу: |
16:3 См.: 🔗Ин. 15:21 | и сiя сотворятъ, яко не познаша Отца, ни Мене. |
16:4 См.: 🔗Мф. 9:15 🔗Ин. 14:29 | Но сiя глаголахъ вамъ, да, егда прiидетъ часъ, воспомянете сiя, яко Азъ рѣхъ вамъ: сихъ же вамъ исперва не рѣхъ, яко съ вами бѣхъ. |
16:5 См.: 🔗Ин. 7:33 | Нынѣ же иду къ Пославшему Мя, и никтоже от васъ вопрошаетъ Мене: камо идеши? |
16:6 | Но яко сiя глаголахъ вамъ, скорби исполнихъ сердца ваша. |
16:7 См.: 🔗Ин. 15:26 | Но Азъ истину вамъ глаголю: уне есть вамъ, да Азъ иду: аще бо не иду Азъ, Утѣшитель не прiидетъ къ вамъ: аще [ли] же иду, послю Его къ вамъ, |
16:8 | и пришедъ Онъ обличитъ мiръ о грѣсѣ и о правдѣ и о судѣ: |
16:9 | о грѣсѣ убо, яко не вѣруютъ въ Мя: |
16:10 | о правдѣ же, яко ко Отцу Моему иду, и ктому не видите Мене: |
16:11 | о судѣ же, яко князь мiра сего осужденъ бысть. |
16:12 | Еще много имамъ глаголати вамъ, но не можете носити нынѣ: |
16:13 См.: 🔗Мф. 10:19 | егда же прiидетъ Онъ, Духъ истины, наставитъ вы на всяку истину: не от Себе бо глаголати имать, но елика аще услышитъ, глаголати имать, и грядущая возвѣститъ вамъ: |
16:14 | Онъ Мя прославитъ, яко от Моего прiиметъ и возвѣститъ вамъ. |
16:15 См.: 🔗Ин. 17:10 | [Зач. 54.] Вся, елика имать Отецъ, Моя суть: сего ради рѣхъ, яко от Моего прiиметъ и возвѣститъ вамъ. |
16:16 | Вмалѣ, и [ктому] не видите Мене: и паки вмалѣ, и узрите Мя, яко иду ко Отцу. |
16:17 | Рѣша же от ученикъ Его къ себѣ: что есть сiе, еже глаголетъ намъ: вмалѣ, и не видите Мене: и паки вмалѣ, и узрите Мя: и: яко Азъ иду ко Отцу? |
16:18 | Глаголаху убо: что сiе есть, еже глаголетъ: вмалѣ, не вѣмы, что глаголетъ. |
16:19 | Разумѣ же Иисусъ, яко хотяху Его вопрошати, и рече имъ: о семъ ли стязаетеся между собою, яко рѣхъ: вмалѣ, и не видите Мене: и паки вмалѣ, и узрите Мя? |
16:20 | Аминь, аминь глаголю вамъ, яко восплачетеся и возрыдаете вы, а мiръ возрадуется: вы же печальни будете, но печаль ваша въ радость будетъ: |
16:21 | жена егда раждаетъ, скорбь имать, яко прiиде годъ ея: егда же родитъ отроча, ктому не помнитъ скорби за радость, яко родися человѣкъ въ мiръ: |
16:22 | и вы же печаль имате убо нынѣ: паки же узрю вы, и возрадуется сердце ваше, и радости вашея никтоже возметъ от васъ: |
16:23 | и въ той день Мене не воспросите ничесоже. [Зач. 55.] Аминь, аминь глаголю вамъ, яко елика аще [чесо] просите от Отца во имя Мое, дастъ вамъ: |
16:24 | доселѣ не просисте ничесоже во имя Мое: просите, и прiимете, да радость ваша исполнена будетъ. |
16:25 | Сiя въ притчахъ глаголахъ вамъ: но прiидетъ часъ, егда ктому въ притчахъ не глаголю вамъ, но явѣ о Отцѣ возвѣщу вамъ. |
16:26 См.: 🔗Рим. 8:34 | Въ той день во имя Мое воспросите, и не глаголю вамъ, яко Азъ умолю Отца о васъ: |
16:27 См.: 🔗Ин. 17:25 | Самъ бо Отецъ любитъ вы, яко вы Мене возлюбисте и вѣровасте, яко Азъ от Бога изыдохъ. |
16:28 | Изыдохъ от Отца, и прiидохъ въ мiръ: [и] паки оставляю мiръ, и иду ко Отцу. |
16:29 | Глаголаша Ему ученицы Его: се, нынѣ не обинуяся глаголеши, а притчи ни коеяже не глаголеши: |
16:30 | нынѣ вѣмы, яко вѣси вся и не требуеши, да кто Тя вопрошаетъ: о семъ вѣруемъ, яко от Бога изшелъ еси. |
16:31 | Отвѣща имъ Иисусъ: нынѣ ли вѣруете? |
16:32 См.: 🔗Мф. 26:31 🔗Мк. 14:27 | Се, грядетъ часъ, и нынѣ прiиде, да разыдетеся кійждо во своя и Мене единаго оставите: и нѣсмь единъ, яко Отецъ со Мною есть: |
16:33 | сiя глаголахъ вамъ, да во Мнѣ миръ имате: въ мiрѣ скорбни будете: но дерзайте, [яко] Азъ побѣдихъ мiръ. |