Евангелие от Матфея, главы 10–8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 10
10:1 См.: 🔗Мк. 3:14 🔗Лк. 9:1	И при­­зва оба­на­де­сять ученики Своя, даде имъ власть на дусѣхъ нечистыхъ, яко да изгонятъ ихъ, и цѣлити всякъ недугъ и всяку болѣзнь.
10:2	Два­на­де­ся­тихъ же апостоловъ имена суть сiя: первый Симонъ, иже нарицает­ся Петръ, и Андрей братъ его: Иаковъ Зеведеевъ и Иоан­нъ братъ его:
10:3	Филиппъ и Варѳоломей: Ѳома и Матѳей мытарь: Иаковъ Алфеевъ и Леввей, нарѣчен­ный Ѳаддей:
10:4	Симонъ Кананитъ и Иуда Искарiотскiй, иже и предаде Его.
10:5	Сiя оба­на­де­сять посла Иисусъ, заповѣда имъ, глаголя: на путь языкъ не идите и во градъ Самарянскiй не внидите:
10:6 См.: 🔗Мф. 15:24	идите же паче ко овцамъ погибшымъ дому Израилева:
10:7 См.: 🔗Лк. 9:2	ходяще же проповѣдуйте, глаголюще, яко при­­ближися Цар­ст­вiе Небесно­е:
10:8	болящыя исцѣляйте, прокажен­ныя очищайте, мертвыя воскрешайте, бѣсы изгоняйте: туне прiясте, туне дадите.
10:9 См.: 🔗Мк. 6:8 🔗Лк. 9:3	[Зач. 35.] Не стяжите злата, ни сребра, ни мѣди при­­ поясѣхъ вашихъ,
10:10 См.: 🔗Лк. 10:7 🔗1Тим. 5:18	ни пиры въ путь, ни двою ризу, ни сапогъ, ни жезла: достоинъ бо есть дѣлатель мзды сво­ея.
10:11	Въ оньже аще [колиждо] градъ или весь внидете, испытайте, кто въ немъ достоинъ есть, и ту пребудите, дондеже изыдете:
10:12 См.: 🔗Лк. 10:5	входяще же въ домъ цѣлуйте его, глаголюще: миръ дому сему:
10:13	и аще убо будетъ домъ достоинъ, прiидетъ миръ вашъ нань: аще ли же не будетъ достоинъ, миръ вашъ къ вамъ воз­вратит­ся.
10:14 См.: 🔗Мк. 6:11 🔗Лк. 9:5 🔗Деян. 13:51	И иже аще не прiиметъ васъ, ниже послушаетъ словесъ вашихъ, исходяще изъ дому или изъ града того, от­трясите прахъ ногъ вашихъ:
10:15	аминь глаголю вамъ: от­раднѣе будетъ земли Cодомстѣй и Гоморрстѣй въ день судный, неже граду тому.
10:16 См.: 🔗Лк. 10:3 🔗Рим. 16:19 🔗2Кор. 1:12	[Зач. 36.] Се, Азъ посылаю васъ яко овцы посредѣ волковъ: будите убо мудри яко змiя, и цѣли яко голубiе.
10:17	Внемлите же от­ человѣкъ: предадятъ бо вы на сонмы, и на соборищихъ ихъ бiютъ васъ,
10:18	и предъ владыки же и цари ведени будете Мене ради, во свидѣтел­ст­во имъ и языкомъ.
10:19 См.: 🔗Мк. 13:11 🔗Лк. 12:11	Егда же предаютъ вы, не пецытеся, како или что воз­глаголете: дастбося вамъ въ той часъ, что воз­глаголете:
10:20	не вы бо будете глаголющiи, но Духъ Отца ва­шего глаголяй въ васъ.
10:21	Предастъ же братъ брата на смерть, и отецъ чадо: и востанутъ чада на родители и убiютъ ихъ:
10:22	и будете ненавидими всѣми имене Мо­его ради: претерпѣвый же до конца, той спасенъ будетъ.
10:23	[Зач. 37.] Егда же гонятъ вы во градѣ семъ, бѣгайте въ другій. Аминь бо глаголю вамъ: не имате скончати грады Израилевы, дондеже прiидетъ Сынъ Человѣческiй.
10:24 См.: 🔗Лк. 6:40 🔗Ин. 13:16 🔗Ин. 15:20	Нѣсть ученикъ надъ учителя [сво­его], ниже рабъ надъ господина сво­его:
10:25 См.: 🔗Мф. 9:34	довлѣетъ ученику, да будетъ яко учитель его, и рабъ яко господь его. Аще господина дому веельзевула нарекоша, кольми паче домашнiя его?
10:26 См.: 🔗Мк. 4:22 🔗Лк. 8:17 🔗Лк. 12:2	Не убойтеся убо ихъ: ничтоже бо есть покровено, еже не от­крыет­ся, и тайно, еже не увѣдѣно будетъ.
10:27	Еже глаголю вамъ во тмѣ, рцыте во свѣтѣ: и еже во ушы слышите, проповѣдите на кровѣхъ.
10:28 См.: 🔗Лк. 12:4	И не убойтеся от­ убивающихъ тѣло, души же не могущихъ убити: убойтеся же паче могущаго и душу и тѣло погубити въ геен­нѣ.
10:29 См.: 🔗Лк. 12:6	Не двѣ ли птицѣ цѣнитѣся единому ассарiю? И ни едина от­ нихъ падетъ на земли безъ Отца ва­шего:
10:30	вамъ же и власи главніи вси изочтени суть:
10:31	не убойтеся убо: мнозѣхъ птицъ лучши есте вы.
10:32 См.: 🔗Мк. 8:38 🔗Лк. 9:26 🔗Лк. 12:8	[Зач. 38.] Всякъ убо иже исповѣсть Мя предъ человѣки, исповѣмъ его и Азъ предъ Отцемъ Мо­имъ, иже на небесѣхъ:
10:33 См.: 🔗2Тим. 2:12	а иже от­вержет­ся Мене предъ человѣки, от­вергуся его и Азъ предъ Отцемъ Мо­имъ, иже на небесѣхъ.
10:34 См.: 🔗Лк. 12:51	Не мните, яко прiидохъ воврещи миръ на землю: не прiидохъ воврещи миръ, но мечь:
10:35	прiидохъ бо разлучити человѣка на отца сво­его, и дщерь на матерь свою, и невѣсту на свекровь свою.
10:36 См.: 🔗Мих. 7:6	И врази человѣку домашнiи его.
10:37 См.: 🔗Лк. 14:26	[Зач. 39.] Иже любитъ отца или матерь паче Мене, нѣсть Мене достоинъ: и иже любитъ сына или дщерь паче Мене, нѣсть Мене достоинъ:
10:38 См.: 🔗Мф. 16:24 🔗Мк. 8:34	и иже не прiиметъ креста сво­его и вслѣдъ Мене грядетъ, нѣсть Мене достоинъ.
10:39 См.: 🔗Мк. 8:35 🔗Лк. 9:24 🔗Ин. 12:25	Обрѣтый душу свою погубитъ ю: а иже погубитъ душу свою Мене ради, обрящетъ ю.
10:40 См.: 🔗Лк. 10:16 🔗Ин. 13:20	Иже васъ прiемлетъ, Мене прiемлетъ: и иже прiемлетъ Мене, прiемлетъ Послав­шаго Мя:
10:41	прiемляй пророка во имя пророчо, мзду пророчу прiиметъ: и прiемляй праведника во имя праведничо, мзду праведничу прiиметъ:
10:42 См.: 🔗Мк. 9:41	и иже аще напо­итъ единаго от­ малыхъ сихъ ча­шею студены воды токмо, во имя ученика, аминь глаголю вамъ, не погубитъ мзды сво­ея.

	Глава 8
8:1	Сшедшу же Ему съ горы, вслѣдъ Его идяху народи мнози.
8:2 См.: 🔗Мк. 1:40 🔗Лк. 5:12	И се, прокаженъ при­­шедъ кланяшеся Ему, глаголя: Господи, аще хощеши, можеши мя очистити.
8:3	И простеръ руку Иисусъ, коснуся ему, глаголя: хощу, очистися. И абiе очистися ему проказа.
8:4 См.: 🔗Лев. 14:3 🔗Мк. 1:44 🔗Лк. 5:14	И глагола ему Иисусъ: виждь, ни комуже повѣждь: но шедъ покажися иереови и при­­неси даръ, егоже повелѣ [въ законѣ] Моисей, во свидѣтел­ст­во имъ.
8:5 См.: 🔗Лк. 7:2	[Зач. 25.] Вшедшу же Ему въ Капернаумъ, при­­ступи къ Нему сотникъ, моля Его
8:6	и глаголя: Господи, отрокъ мой лежитъ въ дому разслабленъ, лютѣ стражда.
8:7	И глагола ему Иисусъ: Азъ при­­шедъ исцѣлю его.
8:8	И от­вѣщавъ сотникъ, рече [Ему]: Господи, нѣсмь достоинъ, да подъ кровъ мой внидеши: но токмо рцы слово, и исцѣлѣетъ отрокъ мой:
8:9	ибо азъ человѣкъ есмь подъ властiю, имый подъ собою воины: и глаголю сему: иди, и идетъ: и другому: прiиди, и при­­ходитъ: и рабу мо­ему: сотвори сiе, и сотворитъ.
8:10	Слышавъ же Иисусъ, удивися, и рече грядущымъ по Немъ: аминь глаголю вамъ: ни во Израили толики вѣры обрѣтохъ.
8:11	Глаголю же вамъ, яко мнози от­ востокъ и западъ прiидутъ и воз­лягутъ со Авраамомъ и Исаакомъ и Иаковомъ во Цар­ст­вiи Небеснѣмъ:
8:12 См.: 🔗Мф. 22:13	сынове же цар­ст­вiя изгнани будутъ во тму кромѣшнюю: ту будетъ плачь и скрежетъ зубомъ.
8:13	И рече Иисусъ сотнику: иди, и якоже вѣровалъ еси, буди тебѣ. И исцѣлѣ отрокъ его въ той часъ.
8:14 См.: 🔗Мк. 1:29 🔗Лк. 4:38	[Зач. 26.] И при­­шедъ Иисусъ въ домъ Петровъ, видѣ тещу его лежащу и огнемъ жегому,
8:15	и при­­коснуся руцѣ ея, и остави ю огнь: и воста и служа­ше ему.
8:16 См.: 🔗Мк. 1:32 🔗Лк. 4:40	Поздѣ же быв­шу, при­­ведоша къ Нему бѣсны многи: и изгна духи словомъ и вся болящыя исцѣли:
8:17 См.: 🔗Ис. 53:4 🔗1Пет. 2:24	да сбудет­ся рѣчен­ное Исаiемъ пророкомъ, глаголющимъ: Той недуги нашя прiятъ и болѣзни понесе.
8:18	Видѣвъ же Иисусъ многи народы окрестъ Себе, повелѣ [ученикомъ] ити на онъ полъ.
8:19 См.: 🔗Лк. 9:57	И при­­ступль единъ книжникъ, рече Ему: Учителю, иду по Тебѣ, аможе аще идеши.
8:20	Глагола ему Иисусъ: лиси язвины имутъ, и птицы небесныя гнѣзда: Сынъ же Человѣческiй не имать гдѣ главы подклонити.
8:21	Другій же от­ ученикъ Его рече Ему: Господи, повели ми прежде ити и погребсти отца мо­его.
8:22 См.: 🔗Лк. 9:60	Иисусъ же рече ему: гряди по Мнѣ и остави мертвыхъ погребсти своя мертвецы.
8:23 См.: 🔗Мк. 4:35 🔗Лк. 8:22	[Зач. 27.] И влѣзшу Ему въ корабль, по Немъ идоша ученицы Его.
8:24	И се, трусъ великъ бысть въ мори, якоже кораблю покрыватися волнами: Той же спа­ше.
8:25	И при­­шедше ученицы Его воз­будиша Его, глаголюще: Господи, спаси ны, погибаемъ.
8:26	И глагола имъ: что страшливи есте, маловѣри? Тогда воставъ запрети вѣтромъ и морю, и бысть тишина велiя.
8:27	Человѣцы же чудишася, глаголюще: кто есть Сей, яко и вѣтри и море послушаютъ Его?
8:28 См.: 🔗Мк. 5:1 🔗Лк. 8:27	[Зач. 28.] И при­­шедшу Ему на онъ полъ, въ страну Гергесинскую, срѣтоста Его два бѣсна от­ гробъ исходяща, люта зѣло, яко не мощи никому минути путемъ тѣмъ.
8:29 См.: 🔗Мк. 1:24	И се, возописта глаголюща: что нама и Тебѣ, Иисусе Сыне Божiй? При­­шелъ еси сѣмо прежде времене мучити насъ.
8:30	Бяше же далече от­ нею стадо свиній много пасомо.
8:31	Бѣси же моляху Его, глаголюще: аще изгониши ны, повели намъ ити въ стадо свиное.
8:32	И рече имъ: идите. Они же изшедше идоша въ стадо свино­е: и се, [абiе] устремися стадо все по брегу въ море, и утопоша въ водахъ.
8:33	Пасущiи же бѣжаша, и шедше во градъ, воз­вѣстиша вся, и о бѣсною.
8:34	И се, весь градъ изыде въ срѣтенiе Иисусови: и видѣв­ше Его, молиша, яко дабы прешелъ от­ предѣлъ ихъ.